如果你係有限公司, 因為公司條例規定帳目要交會計師行審核, 所以你準備好文件後連同報稅表交給會計師行幫你核數及報稅. 如果你公司埋4-11月數, 因為deadline係5月初, 你未交齊文件就立即交. 如你公司個案有申請整批延期(block extension), 埋12月數就8月15日係報稅deadline, 1-3月數就係11月15日(有應評稅利潤)或1月31日(虧損個案).
如你係合夥經營, 有申請延期個案報稅deadline同上. 獨資經營者, 個人報稅表會在5月第1個工作天大批發出, 獨資經營業務的東主需在報稅表發出後3個月內將稅表及佐證文件(如需要)交去稅局. 有稅務代表就10月第一個工作日deadline.
有限公司做核數要交以下文件:
- 財務報表及supporting schedule (如有), 但財務報表就一定要有.
- 總帳及sub-ledger
- 公司銀行月結單及存摺、入數紙、銀行信貸便利函副本、支票聯根
- 已填好報員工薪俸稅表格副本
- 所有收支單據. 唔係只係比財政年度的單據, 亦要比多之後幾個月, 2-3個月都夠.
- 租約
- 應收應付帳客人地址及年末結餘 (如有), 方便會計師行寄對帳單.
- 存貨清單 (如有)
如屬無限公司, 因為唔需要核數, 要交文件可以少好多, 有d公司只係交本總帳、明細表及財務報表. 有d只係交每日/月進支及銀行月結單(如有).
如果你2012年利得稅稅表係4月2日或3日發出, 個人報稅表係5月第一個工作天發出, 而你係公司舊客, 稅務代表之前已經幫你申請整批延期, 可以在上述日期前報稅. 如果你轉稅務代表或轉埋數日期, 就盡快將你稅務檔案編號交比新稅務代表, 幫你申請整批延期.
如果你唔識報稅, 就盡快將資料交比稅務代表幫你做吧!
其實報稅deadline每年課稅年度都係同一日, 你每年要留意. 因為臨報稅deadline前會計師行會特別忙, 所以你唔好deadline前幾個星期甚至幾日前先交帳簿, 因為遲交帳簿報唔切稅要罰款, 甚至起訴或估稅, 會計師行未必會負責.
留言列表
